“HUYU SI NI BABA YANGU!” – BINTI APIGWA NA BUTWAA, BAADA YA KUKUTANA NA BABA YAKE GESTI
Kulikuwa na drama katika CBD CBD karibu na OTC baada ya mwanamume kuripotiwa kujipata katika hali ya aibu na ya kushangaza baada ya kukutana na bintiye kwa bahati mbaya ndani ya nyumba ya kulala wageni.
Tukio hilo ambalo lilinaswa kwenye video ya mtandaoni, limezua hisia kubwa kutoka kwa Wakenya kwenye mitandao ya kijamii.
Kulingana na video hiyo inayosambaa mtandaoni, mwanamume huyo alionekana akiingia kwenye nyumba hiyo ya kulala wageni huku akiwa ameandamana na mwanamke mwingine.
Hata hivyo, kabla hajaendelea zaidi, bila kutarajia alikutana uso kwa uso na bintiye ambaye naye alikuwa akitoka sehemu moja na mwanaume mwingine. Mkutano ambao haukutarajiwa uliwaacha wote wawili wakiwa wameshtuka na kuchanganyikiwa.
Katika video hiyo, binti huyo alionekana kushangaa na mara moja akamuuliza babake alichokuwa akifanya kwenye nyumba hiyo ya wageni.
Pia alisikika akimshutumu kwa kumsaliti mama yake kwa kukutana kwa siri na mwanamke mwingine nyuma yake.
Baba kwa upande wake alionekana kuwa na aibu na kubaki mdomo wazi kwa nukta kadhaa huku watu waliokuwa karibu wakitazama hali hiyo isiyo ya kawaida.
Haraka hali ikawa tete, ikamlazimu mwanaume huyo kuondoka katika eneo hilo kwa aibu huku binti akiendelea kuonesha masikitiko yake.
Watu wengi waliotazama video hiyo mtandaoni walitoa maoni tofauti, huku wengine wakiona hali kuwa ya aibu huku wengine wakiitumia kama somo kuhusu uaminifu katika mahusiano na ndoa.
Baadhi ya Wakenya waliwashauri wanandoa kubaki waaminifu kwa kila mmoja wao na kuepuka hali zinazoweza kusababisha aibu ya umma na migogoro ya kifamilia sawa na ile inayoonekana kwenye video inayosambaa.
