“Alinidanganya Niende Akanionyeshe Bangi” – Mwanamume Akamatwa na Kupigwa kwa Kumshawishi Polisi wa Kike kuingia Nyumbani Kwake na Kumfanyia Vitendo vya Ngono
Siku ya Ijumaa, mwanamume mmoja kutoka Kaunti ya Vihiga alikamatwa na maafisa wa polisi baada ya kudaiwa kumshawishi afisa wa polisi wa kike kwenda nyumbani kwake kwa kisingizio cha kumwonyesha hifadhi kubwa ya bangi.
Kulingana na ripoti, mshukiwa huyo alikuwa amekwenda kituo cha polisi ambapo alikutana na afisa huyo na kumshawishi aambatane naye hadi nyumbani kwake, akidai kuwa kulikuwa na takriban kilo 80 za bangi zilizohitaji kukaguliwa.
Katika hali ya kushangaza, inaripotiwa kuwa afisa huyo alikubali kwenda naye huku akiwa amebeba pingu, akiamini kuwa ilikuwa ni suala rasmi. Wawili hao kisha walielekea nyumbani kwake.
