Alikuwa Akinibaka, Akiamini Atapata Kinga Ya Magonjwa

Alinibaka Akiamini, Atapata Kinga Ya Maradhi

Simulizi Ya Kweli

Chanzo: BBC

Regina Mary Nlodvu anasema alikuwa akicheza katika bustani yake, mbele ya nyumba wakati aliponyanyaswa kingono kwa mara ya kwanza na mwanamume ambaye aliyekuwa anamuamini.

“Alinipa pipi na kuniomba niketi kwenye paja lake,” anakumbuka. “Na nilipofanya hivyo, alinyoosha mkono wake na kunyenyua nguo zangu na kuninyanyasa.”

Regina anasema hii ilikuwa mara ya kwanza kunyanyaswa kingono – akiwa na umri wa miaka minane – lakini haikuwa mara ya mwisho.

Anasema mwanamume huyo huyo alirudi nyumbani kwake Ennerdale, Afrika Kusini, kwa kisingizio cha kuwatembelea wazazi wake na kumnyanyasa kingono na kumbaka mara nyingi zaidi katika miaka iliyofuata.

Hakuwa yeye pekee, ameiambia BBC. Regina anasema amekuwa akikabiliwa na mashambulizi mengine ya ngono na yasiyo ya ngono kwa miaka mingi.

Kijana huyo mwenye umri wa miaka 34 anasema mshambuliaji wake alimlenga kwa sababu alizaliwa na ulemavu wa ngozi, hali ambayo inaathiri uzalishaji wa melanin – ambayo hutengeneza rangi ya ngozi ya mwili.

Hii ni kwa sababu alishikilia imani potofu kwamba kumbaka kungemzuia kupata ugonjwa, Regina anaelezea.

Wazo hili ni moja ya hadithi nyingi za hatari zinazozunguka ualbino.

Sasa, baada ya miaka ya kupambana na msongo wa mawazo muigizaji huyo Mzambia ambaye alizaliwa Afrika Kusini anatetea uelewa bora wa watu wanaoishi na hali hiyo.

Licha ya kujifunza kusoma na kuandika miaka 10 iliyopita akiwa na umri wa miaka 24, pia ameandika na kuigiza katika mchezo wake mwenyewe kuhusu ualbino na maisha yake mwenyewe.

Mama huyu ambaye alijifungua hivi karibuni anataka kuhakikisha watu wengine wenye ulemavu wa ngozi hawapitii kile alichopitia kwa kukabiliana na hadithi zinazozunguka hali hiyo.

Wengine wanaamini kuwa kufuli yenye nywele nyeupe za albino inaweza kuleta utajiri mkubwa, wakati wengine wakiamini dhana potofu zaidi – ikiwa ni pamoja na kufanya ngono na mtu mwenye hali hiyo kunaweza kuponya VVU.

Tangu kuzuka kwa Covid-19, kumekuwa na uvumi wa uwongo kwamba hii inaweza kuponya coronavirus pia.

Watu wenye ulemavu wa ngozi wamejulikana kutekwa na kuuawa kwa sababu ya imani potofu kwamba viungo vyao vya mwili vina nguvu za kishirikina.

“Nilipokuwa na umri wa miaka mitano, umati wa watoto ulikuwa ukikusanyika kwenye lango mwishoni mwa bustani yetu kila siku ,” anakumbuka.

Wakati Regina alipowakaribia, akidhani wanataka kucheza, walikuwa wanakimbia.

Alidhani hii ilikuwa sehemu ya mchezo hadi mwanamke alipoingia kwenye uwanja na binti yake mdogo siku moja.

“Msichana mdogo aliniangalia na kububujikwa na machozi,” anasema. “Alifikiri nilikuwa jitu la ajabu na hiyo ilinikasirisha sana.”

Regina pia aligundua kuwa wanafunzi wenzake wa shule walikuwa wakijitemea mate ndani ya fulana zao alipokuwa akipita karibu nao.

Baadaye aligundua ishara hiyo ilikuwa ni ya kishirikina – kitu ambacho walidhani kitawalinda dhidi ya imani yao katika laana ya kuwa na mtoto wao wa Albino.

Regina alihangaika kuendelea na masomo kutokana na hali yake. Aliona ni vigumu kuona ubao mweusi kutokana na kupungua kwa macho (hali ambayo ni ya kawaida ya mtu mwenue ualbino), na bado anaweza kuona umbali mfupi mbele yake.

Lakini alipolalamika, mwalimu alisema kuwa “hakutakuwa na mipango maalum” iliyotolewa kwa ajili yake.

Regina aliacha shule akiwa hana uwezo wa kusoma na kuandika, ikimaanisha kuwa hakuweza kupata kazi. Lakini mwaka wa 2013, aligundua kitabu cha sauti cha Biblia na kilibadilisha maisha yake.

“Nilikuwa nikihisi vibaya nilipoona vitabu – vilinifanya nijisikie mjinga ,” anaelezea.

“Lakini baadaye nilianza kusikiliza vitabu vya sauti, niligundua kuwa kuna uhusiano mzuri kati ya sauti na maneno – na ulimwengu ulifunguka.”

Alitambulishwa kwa uigizaji na, kwa msaada wa Mpango wa Viongozi wa Vijana wa Afrika, aliweza kuandika na kufanya mchezo wake wa mwanamke mmoja unaoitwa “Mary, Sauti Yangu.”

“Nilipokuwa mdogo, hakukuwa na uwakilishi wa watu wenye ulemavu wa ngozi kwenye skrini,” anasema. “Nataka kubadili hali hii.”

Mtu katika hadhira ya kipindi cha Regina, ambaye alihamasishwa na mchezo huo, alimlipa ili aandike msaada wa mwalimu binafsi kuanza kujifunza misingi ya kusoma na kuandika.

“Bado naona kusoma na kuandika ni vigumu, lakini jambo ni kwamba siogopi kama nilivyokuwa awali,” anaelezea.