Kumbe Utajiri Wa Kaka, Ndiyo Unatumaliza

SIJAAMINI KAMA UTAJIRI NA MAFANIKIO YA KAKA NDIYO YANATUMALIZA

Hadithi Ya Kweli

Mwaka 2011 kaka yetu alimfuata mdogo wetu ambaye ndiye alikuwa mtoto wa mwisho kuzaliwa katika familia yetu .
Kipindi hicho, mdogo wetu alikuwa ameolewa mkoa mwingine, tofauti na mkoa anaoishi kaka .

Kaka alisafiri moja kwa moja hadi kwa mdogo wetu. Cha kushangaza , alivyo fika tu, aliomba alale naye.
Mdogo wetu alikataa kabisa  na akaanza kuogopa hata kukaa ndani kama mume wake hayupo .
Kaka aliendelea kumshawishi sana lakini mdogo wetu alikataa kwa msimamo. Hatimaye, kaka akaondoka .

Baada ya kuondoka, mdogo wetu akampigia dada yetu mkubwa  na kumueleza yote yaliyotokea.
Dada mkubwa akatupa taarifa sisi wengine, tukashauriana na kuamua ibakie kuwa siri ya familia .

Miezi mitatu baadaye, mdogo wetu alianza kuugua ugonjwa wa ajabu sana .
Aliteseka mno, tukampeleka hospitalini , tukampeleka kwenye maombi  lakini hakukuwa na nafuu.
Baada ya mwaka mmoja wa mateso makali, mdogo wetu akafariki  na kuwaacha watoto wawili mmoja akiwa na miaka 6  na mwingine miaka 3 .

Baada ya miezi 7, mama yetu naye akashikwa na ugonjwa ule ule .
Tulijaribu kila njia, lakini baada ya mwaka naye alifariki .

Baada ya miezi 5, baba yetu pia akashikwa na ugonjwa ule ule .
Hapo familia nzima tukaanza kurumbana , kila mtu akimnyooshea kidole mwenzie  kwamba ndiye anayehusika.
Tulikuwa tunaita waganga  ili watueleze, lakini kila mganga akimtaja mwingine. Hali ikawa vurugu na ugomvi wa kila siku .
Mwaka mmoja baadaye, baba pia akafariki .

Ilipita mwaka mmoja bila tatizo, lakini ilipofika mwaka mmoja na miezi 3, dada yetu wa tano kuzaliwa naye akashikwa na hali ile ile .
Aliteseka mwaka mzima na hatimaye akafariki, akiwaacha watoto wanne  huku mtoto wa mwisho akiwa na miezi 8 tu .

Cha kushangaza zaidi  katika vifo vyote hivyo, miili ya marehemu ilikuwa inabadilika, nyuso zao zikifanana na za sokwe .

Sasa, imepita miaka 10 bila kifo chochote katika familia yetu.
Mwezi wa 7 mwaka huu nilichukua uamuzi wa kutembelea ndugu zangu  kwa kuwa vifo vya wazazi na dada zetu vilitufanya tutengane kwa muda mrefu.

Nilianza kwa kaka yetu mkubwa . Nilichokuta kiliniacha na maswali mengi :

Ana miliki kanisa kubwa 

Amejenga majumba 

Anamiliki magari 

Na amejenga shule, inayotarajiwa kuanza mwakani 

Awali, nilikuwa nimesikia kuwa amekuwa mchungaji, na sikutilia maanani . Lakini sasa nilivyoona hali halisi, nikabaki na maswali mengi sana hasa nikikumbuka yaliyopita .

Inawezekana kweli kwamba huu ni utajiri wa Mungu , lakini moyoni naomba Mungu anisamehe  naona utajiri huu unahusiana kabisa na vifo vya wazazi na dada zangu .

Cha kushangaza zaidi ni kwamba kila ninapomweleza ndugu mwingine kuhusu mashaka yangu haya, wanakuwa wakali sana  na hawataki kabisa nizungumzie jambo hili .

Naomba mawazo yenu kuhusu ili swala?